ტრენინგის მერვე დღე

განვიხილეთ, როგორ შევქმნათ სასწავლო გარემო პროექტით სწავლებისას; ვიმსჯელეთ,როგორ გამოვიყენოთ ტექნოლოგიები სწავლების პრაქტიკის გასაუმჯობესებლად, შედეგების უკეთ მისაღწევად; დავგეგმეთ, როგორ შევუწყოთ ხელი მოსწავლეებს ტექნოლოგიების გამოყენებაში. ზოგადად, განვიხილეთ, როგორ გავუწიოთ ფასილიტაცია კლასს მოსწავლეზე ორიენტირებული სწავლების პროცესში. ასევე, როგორ გამოვაქვეყნოთ ჩვენი პროექტები ბლოგზე.დღე იყო საინტერესო, შრომატევადი.

პროექტის მეშვიდე დღე

დღე გამოდგა უაღრესად საინტერესო. განვიხილეთ მოსწავლეთა საჭიროებების გათვალისწინების ხერხები და მეთოდები. დავიწყეთ მზადება ფასილიტაციისათვის. მადლობა ჩვენს მწვრთნელს, ქალბატონ ხათუნას.

ტრენინგის მეექვსე დღე

       შევქმენით მოსწავლეთა ნაშრომების სავარაუდო ნიმუშები: პრეზენტაცია, გაზეთი. ერთმანეთს გავუზიარეთ ჩვენ-ჩვენი ვერსიები. განვიხილეთ შეფასების  პროცესში მოსწავლეთა ჩართვის შესაძლებლობები. განვიხილეთ შეფასების გეგმების დახვეწის გზები და საშუალებები. გავაკეთეთ რეფლექსია. დღე გამოვიდა საინტერესო. კიდევ და კიდევ მადლობას ვუხდი ჩვენს მწვრთნელს, ქალბატონ ხათუნას!

მოსწავლის სავარაუდო ნაშრომი _ გაზეთი

პროექტის ფარგლებში მომზადებული გაზეთი „წაიკითხე!... წამაკითხე!“ (დააჭრეთ ბმულს).

მოსწავლის სავარაუდო ნაშრომი _ პრეზენტაცია

გურამ დოჩანაშვილი

 

ტრენინიგის მეხუთე დღე

გავეცანით ინტერაქტიულ ინტერნეტრესურსებს; განვიხილეთ სასარგებლო ვებსაიტების ეფექტურად მოძიებისა და მათი შეფასების მეთოდები, ინტერნეტის გამოყენების შესაძლებლობები ჩვენი თემის ფარგლებში. დავასრულეთ მუშაობა პორტფოლიოს პრეზენტაციაზე.
დღე იყო შრომატევადი, საინტერესო. მადლობა ჩვენს შესანიშნავ მწვრთნელს, ქალბატონ ხათუნას!

სასწავლო პროექტის პორტფოლიოს პრეზენტაცია

ტრენინგის მეოთხე დღე

განვიხილეთ შეფასების სხვადასხვა ფორმა; მოვიფიქრეთ, როგორ გამოვიყენოთ ეს მეთოდები ჩვენს პროექტში. განვსაზღვრეთ შეფასების პერიოდულობა. დავფიქრდით შეფასების შესაბამისი სტრატეგიების გამოყენების გზებზე, შეფასების განსხვავებული მიზნებიდან გამომდინარე. რესურსების ჩანართის ჯგუფში წავიკითხეთ პროექტზე დაფუძნებული სწავლის შეფასება. წავიკითხეთ და გავიაზრეთ როგორც განმავითარებელი, ისე განმსაზღვრელი შეფასების ფორმები კონკრეტული 5 მიზნით.
დღე იყო დატვირთული, შრომატევადი, საინტერესო.

ტრენინგის მესამე დღე

გამოვავლინეთ სტანდარტით განსაზღვრული შედეგები, რომელთა მიღწევაც მსურს პროექტის ფარგლებში. გამოვყავით მნიშვნელოვანი ცნებები, გამოვკვეთეთ მიმართულების მიმცემი საკვანძო კითხვები.
დღე ძალიან შრომატევადი და საინტერესო გამოდგა.

ტრენინგის მეორე დღე

განვიხილეთ პუბლიკაციის მომზადება პროექტებით სწავლების თემაზე, აგრეთვე, როგორ უნდა დავგეგმოთ პუბლიკაცია.
განვიხილეთ პროექტის დიზაინის საკითხები. დავიწყეთ პროექტის გეგმაზე მუშაობა. გავეცანით პორტფოლიოს სქემას. დღე ძალიან საინტერესო და დატვირთული გამოვიდა.

ტრენინგის პირველი დღე

გავეცანით ინტელის ძირითადი კურსის მიზნებსა და მოსალოდნელ შედეგებს; დავათვალიერეთ წარმატებული პროექტები მასწავლებელთა ბლოგებზე; შევადგინეთ მუშაობის გრაფიკი; დავგეგმეთ ხვალინდელი დღე.